«Барселона» ҳужумчиси Лионель Месси Аргентина терма жамоасига қайтишга қарор қилди. Бу ҳақда, Mundo Deportivo нашрига таяниб, «Спорт-Экспресс» хабар бермоқда.
Айтилишича, Месси миллий терманинг янги бош мураббийи Эдгардо Бауса билан суҳбатлашганидан сўнг шундай қарорга келган. 29 ёшли футболчи яқинда Уругвай ва Венесуэлага қарши ўтказиладиган ўйинларда иштирок этишни режалаштирмоқда. Футболчининг қайтиши ҳақидаги расмий баёнот тез кунларда берилади.
Шу тариқа, Месси Россияда 2018 йилда ўтадиган жаҳон чемпионатида иштирок этади.
2016 йилги Америка Кубоги финалида Аргентина Чилидан мағлуб бўлганидан сўнг Месси терма жамоа таркибидаги чиқишларини якунлаганини маълум қилган эди.
