Спорт товарлари ва анжомларини ишлаб чиқарувчи Адидас компанияси Рио-де-Жанейродаги олимпия ўйинларининг барча ғолиблари ва совриндорларига 3D-принтерда босиб чиқарилган кроссовкаларни тақдим етишини маълум қилди.
Ўзига хос пойабзал ўтган йилнинг октябр ойида намойиш этилган эди. 3D Printed Winners Shoe деб ном олган модел узоқ масофаларга югуришга мўлжалланган энг яхши пойабзаллардан биридир. Пойабзал икки кун аввал олимипада кумуш медалини қўлга киритган регбичи Тиле Натан-Вонгга юборилди. Яқин келажакда ҳатто оддий харидор ҳам буюртма бериши мумкин бўлган кроссовка шахсий ўлчамлар бўйича тайёрланади. Бунинг учун эса Адидас дўконидаги югуриш йўлакчасида бир неча дақиқа югуриш кифоя бўлади холос.
Йўлакчада оёқ юзи ўлчами ва супинатор билан боғлиқ бўлган бошқа кўрсаткичлар акс этади. Шундан сўнг оёқ юзининг карбон нусхаси тайёрланиб, унинг асосида 3D-принтерда ноёб тагчарм ишлаб чиқилади ва босиб чиқарилади. Янги маҳсулот қачон спорт ихлосмандларига етиб бориши мумкинлиги ҳозирча аниқ эмас, бироқ олимпиячилар ноёб кроссовкаларини бутун олимпиада давомида олишлари мумкин бўлади.
