АҚШ учинчи лигасида бош ҳакам тарихда илк маротаба такрорий видеолавҳадан фойланиб қарор чиқарди, деб хабар бермоқда ТАСС.
«Нью-Йорк Ред Булл II» - «Орландо Сити Б» ўйинининг 34-дақиқасида, бош ҳакам қоида бузилган вазият бўйича қарор қабул қилишда такрорий видеолавҳани томоша қилди. Вазиятни телеэкранда кўрган ҳакам футболчига қизил карточка кўрсатиб, майдондан четлатди.
Эслатиб ўтамиз, март ойида Футбол ассоциациялари халқаро кенгаши (ФАХК) видеолавҳалардан фойланиш тизимини қўллашга рухсат берган эди. Қарорга кўра, тизим икки йил давомида синовдан ўтказилади ва ҳозирча илғор футбол чемпионатларида қўлланилмайди.
