Рио—2016 Олимпиадасида Ўзбекистон учун илк олтин медални қўлга киритган боксчи Ҳасанбой Дўстматов мамлакат халқи мазкур чемпионликни кутганини айтиб ўтди. Бу ҳақда у Халқаро бокс ассоциацияси (AIBA)нинг расмий сайтига берган интервьюсида айтиб ўтди.
«Ҳозирги ҳиссиётларимни сўз билан ифодалаш қийин, бироқ мен бениҳоя бахтиёрман», — деди Ҳасанбой Дўстматов чемпионлик жангидан сўнг берган илк интервьюсида.
«Аввало, ўз Ватанимга меҳр-муҳаббатимни изҳор қилмоқчиман, чунки, ярим тун бўлишига қарамай, мени оилам, Президент ва бутун мамлакат кузатиб турганини биламан. 30 миллионли халқ бу онларни кутган эди», — деди Дўстматов.
«Оилам мен учун хурсанд бўлади, чемпионликдан сўнг жуда ҳаяжондаман. Мазкур Олимпия ўйинлари учун Риога миннатдорчилик билдираман», — дея қўшимча қилди Ҳасанбой Дўстматов.
