Ўз вақтида "Навбаҳор" жамоасида футболчи ва бош мураббий бўлиб фаолият кўрсатган, ҳозирда ЎзПФЛ раҳбари Фарҳод Магомедов мураббийлар қўнимсизлиги ҳақида ўз фикрларини билдириб ўтди.

"Наманганнинг «Навбаҳор» клуби чемпионликка эришганига йигирма йил бўлди. «Лочинлар» жорий мавсум сафарда бирорта ҳам ғалабага эришмадилар", - деб гап бошлади Магомедов.

"Умумий муаммо - мураббийлар қўнимсизлиги. «Андижон»да ҳам худди шундай ҳолат ҳукмрон, жамоа учинчи мураббий қўл остида шуғулланмоқда. Мураббийларни алмаштиравериш - вақтни беҳуда ўтказиш демак. Эътиборлиси, деярли ҳар бир жамоада менежерлар ўз ўринларида қолишмоқда. Ваҳоланки, бу - клублардаги энг суст ишлаётган тизим ҳисобланади, менежерлар тайёрлаш бўйича ҳеч ким шуғулланмаяпти. Ахир ҳар қайси жамоада молиявий тармоқ энг асосий роллардан бирини ўйнайди", - дейди ЎзПФЛ директори.