Олий лига доирасидаги "Нефтчи" - "Локомотив" (1:1) баҳсидан кейин мезбонлар ҳимоячиси Шукурали Пўлатов "Нефтчи" матбуот хизматига интервью бериб ўтди.
- "Локомотив" чемпионатимизнинг энг кучли жамоаларидан бири ҳисобланади. Бугун уларга қарши қийин ўйинда иштирок этдик. Оғир ўйин бўлди. Ҳамма жамоадошларим майдонда каттиқ тер тўкишди. Бизни стадионда қизғин қўллаб турган фарғоналикларга ҳам раҳмат айтмоқчиман. Кейинги баҳсларда ғалаба қозониб уларни мамнун қилишга ҳаракат қиламиз, - деди Шукур Пўлатов.
