Рио-де-Жанейро олимпиадасида иштирок этаётган 69 кг. вазндаги боксчимиз Шаҳрам Ғиёсовнинг финалдаги рақиби аниқ бўлади.
Ҳамюртимиз олтин медаль учун қозоғистонлик Данияр Елеуссиновга қарши жанг олиб борадиган бўлди. Қозоғистонлик боксчи ярим финалда франциялик Сулаймон Сиссокони мағлуб этди. Иккинчи раундда боксчилар бош билан тўқнашиб кетиши оқибатида Даниярнинг юзи ёрилди. Шифокор жангни тўхтатиш ҳақида қарор чиқарди. Икки раунд натижаларига кўра Елеуссинов ғолиб деб топилди — 20:18, 20:18, 20:18.
Шаҳрам Ғиёсов ва Данияр Елеуссинов ўртасидаги финал жанги 17 август куни бўлиб ўтади.