Кеча Озарбойжоннинг Загатала шаҳрида фожиали воқеа рўй берди. "Загатала" клубининг машғулоти вақтида нигериялик ёш футболчи Майкл Уманьика оламдан ўтди.
Майкл машғулот вақтида тўхтаб қолди ва йиқилди. Уни ўзига келтиришнинг иложи бўлмади, ўлим футболчи йиқилган вақтда содир бўлган. Бу машғулот Уманьиканинг Нигериядан қайтганидан сўнг биринчиси эди. 20 ёшли футболчи бир йил аввал "Загатала" билан шартнома имзолаган эди ва биринчи дивизионда 20та ўйин ўтказган.
Биринчи текширувга кўра футболчида юрак хуружи рўй берган.
