«Лестер Сити» яримҳимоячиси Риёз Маҳрез бир кун келиб клубни тарк этиш эҳтимоли борлигини маълум қилди. Жазоирлик футболчи шу йил ёздаёқ жамоасини ўзгартириши мумкин эди, аммо «тулкилар» раҳбарияти уни қолишга кўндиришди.
«Айни дамда дунёдаги икки ёки учта клуб мени «Лестер»ни тарк этишга мажбур қилиши мумкин. Бироқ мен Англияда ўйнамоқчиман, бу суперлига. Бу ерда иложи борича кўпроқ қолиш ниятидаман» - деди Маҳрез France Football хабарида.
25 ёшли яримҳимоячининг «Лестер» билан тузган шартномаси 2019 йил ёзида ўз ниҳоясига етади.