Оғир атлетика халқаро федерацияси (IWF) раҳбари Тамаш Аян Беларусь, Россия ва Қозоғистон терма жамоалари антидопинг қоидаларини бузганлиги учун 1 йил муддатга барча мусобақалардан четлатилишини маълум қилди.
«Рио-2016 олимпиадасидан сўнг Беларусь, Россия ва Қозоғистонни барча мусобақалардан четлатамиз. Допинг таҳлилларни қайтадан текширяпмиз, натижалари маълум бўлгач, бошқа мамлакатларни ҳам четлатишимиз мумкин» - деди Аян.
Эслатиб ўтамиз, Россия оғир атлетикачилари Рио-2016 олимпиадасига киритилмади. Қозоғистон ва Беларусь ҳам киритилмаслиги мумкин эди, аммо Халқаро Олимпия қўмитаси Пекин-2008 ва Лондон-2012даги допинг таҳлилларни қайтадан текширишга улгурмади.