McDonald’s фаст-фуд ресторани Риодаги олимпия шаҳарчасида юзага келаётган навбатни бартараф қилиш мақсадида маҳсулот сонига чекловлар қўйиб, ҳар бир мижозга 20 тадан ортиқ бўлмаган порция бермоқда, деб хабар қилмоқда TJournal.

Олимпия шаҳарчасидаги McDonald’s спортчиларга бепул хизмат қилади ва навбат ҳар қандай об-ҳавода юзага келади. Гувоҳларнинг сўзларига қараганда, шаҳарчада истиқомат қилувчилар баъзида ҳосил бўлган навбатлар олдида пляж волейболини ўйнайди.

Риодаги Олимпия паркида ҳам McDonald’s тармоғининг бошқа шохобчалари ҳам бор, аммо у ерда фақат музқаймоқнинг ҳар хил тури сотилади.

Хабарда қайд этилишича, олимпиячилар орасида McDonald’s таомномасининг энг машҳури — «Бик мак». Иккинчи ўринда қовурилган картошка бўлса, учинчи ўриндан мевали смузи жой олди.