«Ливерпуль» мухлислари учун нохуш хабар. Жамоанинг янги ҳужумчиси Садио Мане машғулот пайтида елкасидан жароҳат олиб, касалхонага олиб кетилди, деб хабар бермоқда ESPN.
Яқин кунларда жароҳатнинг қанчалик жиддий экани маълум бўлади. Сенегаллик футболчи 2-турда майдонга туша оладими йўқми, номаълум.
Эслатиб ўтамиз, АПЛ 1-турида Мане «Арсенал»га (4:3) гол уриб, жамоасининг ғалабасига ҳисса қўшган эди.