Қозоғистон матбуот нашрларининг хабарига кўра, бокс бўйича Қозоғистон терма жамоаси бош тренери Мирзагали Айтжанов шогирди Данияр Елеусиновнинг жароҳати жиддий эканлиги тўғрисида маълумот берган.
Эслатиб ўтамиз, 69 килограмгача бўлган вазндаги боксчилар мусобақасининг финалида, бугун ҳамюртимиз Шаҳрам Ғиёсов айнан Елеусиновга қарши жанг олиб бориши керак.
Ҳакамларнинг жангни тўхтатишига қараганда, Даниярнинг жароҳати жиддийми деган саволга Айтжанов шундай жавоб берган: «Ҳа, унинг манглайи ўртасидан ёрилган. Ҳозир маҳаллий врачлар ярани тикиб, унга ҳар томонлама ёрдам кўрсатишди. Энди у финалда “олтин” учун жангга кириши керак. Агар шифокорлар унга рингга тушишга рухсат беришса, у олтин медаль учун бор кучини аямайди», - деб хабар бермоқда Рашид Усмонов.
