АҚШ аёллар терма жамоаси 4х100 метр эстафета мусобақаси саралашини яна бир маротаба югуриб ўтадиган бўлди.
Гап шундаки, мусобақа давомида Элисон Феликс эстафета таёқчасини Инглиш Гарднерга узатаётган пайтда, уни қўлидан тушириб юборган ва улар маррага охирги ўринда келиб, финалга чиқа олишмаган эди.
Мусобақадан сўнг америкаликлар норозилик шикоятини ёзишди ва унда рақиблардан бири эстафета таёқчасини узатишда ҳалал берганини кўрсатишди. Мусобақани қайтадан кўриб чиққан комиссия АҚШ терма жамоасини шикоятини ўринли деб топиб, уларга яна бир маротаба югуриш имкониятини берди.
Энди америкаликлар эстафетани такроран югуриб ўтишади. Йўлакчада улардан бошқа жамоа бўлмайди. Финалга чиқиш учун улар 47,70 сониядан тезроқ финишга етиб келишлари лозим.
