Ҳозиргина олимпиада бокс мусобақасида 81 кг.гача бўлган вазнда финал баҳси якунига етди. Ҳал қилувчи жангда кубалик Хулио Сезар Ла Круз ва қозоғистонлик Адилбек Ниязимбетов рингга кўтарилишди.

Кубалик боксчи анча маҳоратли эканини намойиш қилди. У ҳимояни очиб қўйиб, рақибни ҳужумга чорлади. Ўзи эса қарши ҳужумларда зарбалар берди. Қисқа қилиб айтганда, Ла Круз ғалаба қозониш учун ақлли жанг олиб борди. Ниязимбетов эса унга кучи етмади.

Натижада Куба ҳисобига олтин, Қозоғистон делегациясига эса кумуш медаль ёзилди.

Эслатиб ўтамиз, ушбу вазнда Ўзбекистонда Элшод Расулов иштирок этиб, илк саралаш босқичидаёқ Буюк Британия вакилига имкониятни бой бериб қўйганди.