Рио–2016 Олимпиадасининг қизлар ўртасидаги эркин кураш бўйича -63 килограмм вазн тоифасида иштирок этган япониялик Рисако Каваи 18 август куни финал баҳсида беларуслик Мария Мамшукни мағлубиятга учратиб, олтин медални қўлга киритди. Каваи Олимпиада чемпионлигини ўз мураббийини елкасида кўтариб юриш билан нишонлади, деб хабар бермоқда TJournal.
Шунингдек, спортчи қиз мураббийини ҳазил тариқасида эркин курашдаги усуллардан бири билан гиламга йиқитди.
Суратларни кўрган ижтимоий тармоқ фойдаланувчилари чемпион қиз ёнида туриш хавфли эканини ҳазил қилиб, ғалабанинг бундай нишонланишини ҳеч қачон кўрмаганини маълум қилди.
