"Нефтчи" - "Андижон" (1:2) учрашувидан сўнг ташкил этилган матбуот анжуманининг биринчи қисмида "бургутлар" устози Ориф Маматказин ўз фикрларини билдирди.
"Икки хил тайм гувоҳига айландик. Биринчи бўлимда учинчи голни ҳам урганимизда барчаси осон бўларди. Иккинчи бўлимда ҳимояга "ётиб олдик". Оқибатда гол ўтказиб юбордик. Бу ғалаба бизга сув ва ҳаводек зарур эди. Андижон халқи футболни севади, бугунги ғалаба улар учун.
Шогирдларим ҳисобни сақлаб қолишга уринишди. Танаффусда бундай қилмасликларини сўрагандим. Молиявий томонлама барчаси жойида, ҳеч қандай муаммо йўқ. Мен ҳакамликни баҳолай олмайман. Назоратчилар бор", - дейди Ориф Исмоилович.
