Каноэнинг иккилик мусобақаларида Герасим Кочнев ва Серик Мирбеков жуфтлиги "А" финалида иштирок этди.
Ҳамюртларимиз стартни яхши олишди ва дастлабки 250 метр масофадан 2-ўринда боришаётган эди. Аммо финишга яқинлашган сари уларнинг тезлиги пасайиб борди ва 1000 метр масофага "А" финали иштирокчилари орасида сўнгги бўлиб етиб келишди.
Шу тариқа, байдарка ва каноэда эшкак эшиш мусобақаларида ўзбекистонликлар медаль қўлга кирита олишмади.