Таэквондонинг энг оғир вазнида (+80 кг) Дмитрий Шокин олимпиададаги ўз иштирокини бошлади. У дастлабки босқичда хитойлик Сен Чиаога қарши даянга чиқди.

Таэквондочилар жангни эҳтиёткорлик билан бошлаб, асосан қоринга бериладиган зарбалар орқали аста-секин очко жамғара бошлашди. Биринчи бўлим Шокиннинг устунлиги билан якунланди - 3:1.

Иккинчи бўлимда вазиятларнинг бирида Дмитрий хитойлик рақибининг ҳужумини "тичаги" (от услубида айланма) зарба билан кутиб олди ва қоринга берилган зарба орқали 3 очко ишлади. 7:2.

Учинчи бўлимни Чен Чиао фаол бошлади ва кетма-кет икки марта Шокиннинг бошига зарба бериб, ҳисобни тенглаштирди — 8:8. Қолган дақиқаларда Дмитрий кетма-кет очколарни қўлга киритди ва якуний ҳисобни 15:8 кўринишига келтирди.

Дмитрий Шокин чорак финалда кубалик Рафаэль Кастильога қарши даянга чиқади. Ушбу жанг 23:45да бошланади.