«Манчестер Сити» бош мураббийи Хосеп Гвардиола жамоанинг янги ўйинчилари — Лерой Сане ва Илкай Гундўганнинг тикланиш жараёни ҳақида маълумот бериб ўтди.
«Кеча Сане умумий гуруҳдаги дастлабки машғулотларини ўтказди. Машғулотларнинг бошида унинг мушакларида бироз муаммо кузатилди, бироқ бу нормал ҳолат — Лерой тикланиш йўлидаги илк қадамларни ташламоқда. Ўйлашимча, бир-икки ҳафтадан сўнг у сафда бўлади», — деди Гвардиола.
«Гундўган ҳам кеча умумий гуруҳ билан бирга шуғулланди. У 10 сентябрь куни «Манчестер Юнайтед»га қарши ўйинда қатнаша оладими-йўқми, билмадим. Бироқ, ҳар нима бўлганда ҳам, бу биз учун яхши янгилик», — деди Гвардиола.