«Ливерпуль» акцияларининг назорат пакети эгалари клубнинг сотилиши ҳақидаги хабарларни рад этди. Бу ҳақда Reuters хабар бермоқда.
Аввалроқ Хитойниг икки компанияси клубнинг назорат пакетини 800 миллион фунт-стерлинг эвазига сотиб олмоқчи экани ҳақида хабарлар пайдо бўлганди.
Вазиятдан бохабар манба маълумотига кўра, «Ливерпуль»нинг эгалари — америкалик бизнесменлар клубни сотиш борасида таклиф олмаган.
Айни вақтда, манбанинг қайд этишича, клубнинг ҳозирги эгалари, муносиб таклиф тушса, музокаралар столига ўтиришга тайёр.
