Олий лиганинг 20-турида Ғузорнинг "Шўртан" жамоаси ўз майдонида Наманганнинг "Навбаҳор" жамоасини қабул қилади. Бу ўйиндан олдин "Навбаҳор" футболчиси Акрам Баҳриддинов ўз фикрларини баён қилди.

Акрам БАҲРИДДИНОВ ("Навбаҳор" футболчиси): "Оқ бўрилар"га қарши ўйин албатта оғир ўтади. "Шўртан" жамоаси мавсумни жуда ёмон бошлаган бўлсада, аста-секин ўз ўйинини топиб қимматли очколарга эга бўлиб бормоқда. Лекин олдиндаги учрашувда жамоамиз ғалаба қозонади, деган умиддаман. Эсингизда бўлса, жорий мавсум Наманганда "Шўртан"ни мағлуб этиб, мавсумдаги илк ғалабамизни қўлга киритган эдик. Энди сафардаги дастлабки ғалабамизни айнан "Шўртан"ни мағлуб этган ҳолда нишонлашга бор кучимиз билан ҳаракат қиламиз!