Ўзбекистон кубогининг ярим финал босқичи доирасида "Насаф" ва "Буҳоро" жамоалари Қаршида дастлабки ўйинни ўтказишди. Унда Рўзиқул Бердиев шогирдлари ишончли тарзда ғалаба қозонишди.

Биринчи бўлимнинг 16-дақиқасида Фозил Мусаев ҳисобни очишга муваффақ бўлди. Сайдулло Рахматов бурчакдан тўпни ўйинга киритиб берган пайтда бухороликлар бош билан тўпни чиқариб юбормоқчи эди, тўп Фозил Мусаевга тегиб дарвозадан жой олди.

Орадан кўп ўтмасдан мезбонлар иккинчи голни уришди. Азизжон Ғаниев жарима зарбасини тепди, Худоёров эса тўпни қўлдан чиқариб юборди. Қатган тўпни Игорь Голбан дарвозага жойлади.

Иккинчи бўлимда "Бухоро" ҳужумни кучайтиришга ҳаракат қилди, аммо жамоаларга бошқа гол уриш насиб этмади.

Жавоб ўйини 21 сентябрь куни Бухорода бўлиб ўтади.

Ўзбекистон кубоги, ярим финал, дастлабки ўйин
"НАСАФ" - "БУХОРО" - 2:0 (2:0)
Голлар: Фозил Мусаев (16), Игорь Голбан (29)
Огоҳлантиришлар: Фозил Мусаев (7) Элдорбек Суюнов (87), Драган Черан (ўйиндан сўнг) — Шавкат Саломов (7)
“Бухоро”: 20.Сардор Қобулжонов (Муҳиддин Худоёров 10), 8.Саламат Қуттибоев, 10.Шавкат Саломов, 16.Артём Филипосян, 18.Баҳодир Пардаев, 23.Александр Мерзляков, 33.Бобиржон Амонов, 55.Шавкат Муллажонов, 61.Азиз Ибрагимов (Вадим Чемиртан 46), 85.Руслан Мельзитдинов (Жасур Ҳасанов 78), 87.Алишер Саноев.
"Насаф": 25 Элдор Суюнов, 6 Азизжон Ғаниев (Мақсуд Каримов 89), 28 Шуҳрат Муҳаммадиев, 18 Баҳром Абдураҳимов, 22 Игорь Голбан, 23 Шерзод Аъзамов (с), 28 Фозил Мусаев, 31 Сайдулло Раҳматов (Дониёр Нарзуллаев 83), 34 Фаррух Сайфиев, 45 Бобур Абдухолиқов (Ислом Рашидхонов 63), 69. Драган Черан