ПСЖ президенти Носир Ал-Хилайфий Чемпионлар лигаси гуруҳ босқичига қуръаси натижалари тўғрисида ўз фикрини баён қилди. Парижликлар «Арсенал», «Базель» ва «Лудогорец» билан бир гуруҳдан жой олишганди.
«Ҳар йили Чемпионлар лигасини орзиқиб кутамиз. У биз учун мураккаб вазифа бўлиб қолмоқда.
Биринчи турдаёқ «Арсенал» билан ўйнаш қизиқарли бўлади. Ўз майдонимизда мухлисларимизнинг қўллаб-қувватлашини кутамиз. Ишончим комил, уларнинг далдаси биз учун бутун мавсум давомида жуда муҳим бўлади» - деди Ал-Хилайфий.