Сурия терма жамоаси ярим ҳимоячиси Ҳамид Мидо Ўзбекистонга қарши бўлиб ўтган ЖЧ-2018 саралаш баҳсидан кейин ўз фикрларини билдириб ўтди. Эслатиб ўтамиз, бу ўйинда Ўзбекистон терма жамоаси 1:0 ҳисобида ғалаба қозонди.

"Биз мағлубиятга учрадик. Ҳимояда бироз эътиборлироқ ҳаракат қилганимизда, дурангга яқин тургандик. Ўзбекистонга қарши ўйинда жамоамиз катта иштиёқ билан ҳаракат қилди. Аммо бу ҳолат ғалаба учун етарли бўлмади. Биз рақибга кўпроқ босим ўтказиб, кўпроқ ҳужум қилишимиз керак.

Жамоамиз ажойиб ҳаракат қилди. Айниқса, биринчи бўлимда рақибнинг маҳоратли футболчиларга эркин ўйнаш имкониятини бермадик ва танаффусга дуранг натижа билан чиқиб кетдик. Аммо рақиб иккинчи бўлимда ҳимоядаги хатомиздан фойдаланиб, гол уришга муваффақ бўлди.

Бу билан ҳаёт тўхтаб қолмайди. Ҳали йўқотилган очконинг ўрнини тўлдириш имкониятига эга бўламиз. Ҳали олдимизда 9та ўйин бор. Бу мағлубиятни унутиб, Жанубий Кореяга қарши ўйин ҳақида ўйлашимиз лозим. БАА терма жамоаси Япония устидан зафар қучган экан, нима учун биз кореяликларни мағлуб этмаслигимиз керак", - дейди Ҳамид Мидо.

Сурия терма жамоаси Жанубий Кореяга қарши навбатдаги ўйинни 6 сентябрь куни Малайзияда ўтказади.