Бразилиянинг Рио-де-Жанейро шаҳрида 2016 йилги Паралимпия ўйинларида иштирок этиш учун ташриф буюрган Испания терма жамоасининг уч нафар паралимпиячиси тунаб кетилди. Бу ҳақда Marca хабар бермоқда
Кўнгилсиз ҳодиса паралимпия шаҳарчасида юз берди. Номаълум шахслар спортчилар хонасида хизмат ходими сифатида кириб, қарийб 350 еврони ўғирлаб кетди. Жабрланганлар полицияга мурожаат қилди.
Хабарда қайд этилишича, жиноятчилар қўлга олинди, аммо ўғирланган пуллар уларнинг ёнидан топилмади.
Маълумот учун, Рио–2016 Паралимпия ўйинлари 7–18 сентябрь кунлари бўлиб ўтади. Унда Ўзбекистон шарафини 32 нафар спортчи ҳимоя қилади.
