МДҲ мамлакатларининг ички ишлар вазирлиги ЖЧ-2018 арафасида безори мухлисларнинг ягона базасини ташкил қилади. Бу ҳақда Россия ИИВ раҳбари Владимир Колокольцев маълумот берган.
«МДҲ мамлакатларининг ҳар бирида безориликка, тартиббузарликка мойил шахсларнинг базаси бор. ЖЧ-2018 дан олдин бу базалар бирлаштирилади. Натижада бундай шахслар ЖЧ-2018 ўйинларига қўйилмайди.
Россияда бундай база бор ва у ИИВ сайтида очиқ ҳолда жойлаштирилган. Ундаги шахсларга спорт мусобақаларига кириш тақиқланган» - деди Колокольцев.