Қатарга қарши ўйин бошланишига 2 соатдан бироз ортиқ вақт қолганида Ўзбекистон терма жамоаси меҳмонхонадан стадион томон йўлга чиқди. Тахминан 20-25 дақиқа давомида йўл юрилди ва футболчиларимиз Доҳадаги Жассим бин Ҳамад стадионига етиб келди. Бу ҳақда ЎФФ матбуот хизмати хабар тарқатди.
Одатга кўра, ўзбекистонлик ўйинчилар стадионга етиб келишганидан кейин "Ас-Садд" клубига тегишли ўйингоҳнинг майсасини ҳис қилишди.
Эслатиб ўтамиз, Қатар-Ўзбекистон учрашуви Тошкент вақти билан 21:00да бошланади. Баҳс бошланишига 45 дақиқа қолганида дарвозабонлар, 40 дақиқа қолганида футболчилари чигалёзди машғулотни бошлаш учун майдонга чиқиб келишади.
