«Манчестер Сити» ярим ҳимоячиси Лерой Сане жароҳатидан фориғ бўлди ва «Манчестер Юнайтед»га қарши 10 сентябрь куни бўладиган АПЛ 4-тур учрашувида майдонга тушишга тайёр.
«Мен ўзимни яхши ҳис қиляпман ва ўйнашга тайёрман. «МЮ»га қарши ўйин ўзига хос муҳитда ўтади, бутун шаҳар бу ўйинни кутмоқда», — деди Сане.
«Ўйинни сабрсизлик билан кутяпман, ахир бу ўйинда Гвардиола ва Моуринью ўзаро тўқнаш келади», — деди «Манчестер Сити» ярим ҳимоячиси.
«Майдонга тушишга ва уч очко келтиришда жамоадошларимга ёрдам беришга умид қиламан», — дея қўшимча қилди Лерой Сане.
