Ўзбекистон паралимпия делегациясига учинчи дзюдочимиз навбатдаги медални тақдим этди. Эркаклар ўртасида 66 кг. вазн тоифасида иштирок этган Ўткиржон Ниғматов паралимпия ўйинлари ғолибига айланди!

Ҳамюртимиз чорак финалда кубалик дзюдочини "вазари" баҳоси билан мағлуб этди. Ярим финалда эса украиналик Давид Хорава муддатидан аввал мағлуб этилди. Ўткиржон рақибга нисбатан иппонга мос услуб ишлатилганидан энди баҳснинг 3 дақиқаси якунига етаётганди.

Ниғматов финалда озарбойжонлик Байрам Мустафоевни янада ишонч билан мағлубиятга учратди. Ватандошимиз 17 сонияда "вазари" ишлаган бўлса, беллашув тугашига бир ярим дақиқа қолганидан "иппон"ни қайд этди.

Шу тариқа, Ўзбекистон делегацияси иккита олтин ва битта бронза медаллари билан жадвалда умумжамоа ҳисобида 3-ўринни эгаллаб турибди.