Рио–2016 Паралимпия ўйинлари очилиш маросимида Россия байроғиникўтариб чиққан Беларусь спорт ва туризм вазирлиги вакили Андрей Фомочкин билан биргаликда мамлакат делегацияси раҳбарларидан бирининг ҳам аккредитацияси бекор қилинди. Бу ҳақда «РИА Новости» хабар бермоқда.
«Халқаро паралимпия қўмитаси Беларусь делегацияси аъзоларидан бири, очилиш маросимида Россия байроғини кўтариб чиққан ҳамда жамоамизнинг яна бир раҳбарларидан бирини аккредитациядан маҳрум қилиш ҳақида қарор қилди», – дейилади Беларусь спорт ва туризм вазирлигининг матбуот хизмати хабарида.
Хабарда қайд этилишича, Халқаро паралимия қўмитаси Беларусь термасига Паралимпия ўйинлари вақтида сиёсий акциялар ўтказишга йўл қўйиб бўлмаслиги ва шунга ўхшаш ҳолатларнинг такрорланишига йўл берилмаслиги ҳақида расман огоҳлантирилди.
