«Реал» ҳужумчиси Криштиану Роналду клубнинг тўртинчи сардори қилиб расман тайинланди, деб хабар бермоқда жамоа матбуот хизмати.
Испанияда, клубда энг кўп ўйин ўтказган футболчиларни сардор қилиб тайинлаш тизими амал қилади. Ҳозирги кунда «Реал» клубининг биринчи сардори - Серхио Рамос, иккинчиси – Марсело, учинчиси – Пепе саналади. Криштиану Роналдудан олдин тўртинчи сардор – Альваро Арбелоа эди, бироқ у шу йил ёзда клубни тарк этди.