Чемпионлар лигасининг дастлабки турида «Манчестер Сити» ўз майдонида Мёнхенгладбахнинг «Боруссия» клубини қабул қилди.

«Сити» бутун учрашув давомида катта ташаббусга эга бўлди ва якунда йирик ҳисобда ғалаба қозонди.

9-дақиқадаёқ ҳисоб очилди. Коларов чап қанотдан тўпни пастлатиб жарима майдонига етказди. Ҳимоячидан илдамроқ ҳаракат қилган Агуэро яқин масофадан тўпни осонлик билан дарвозага киритди.

28-дақиқада Гюндоганни жарима майдони чизиғида чалиб йиқитишди. Белгиланган пенальтини Агуэро аниқ амалга ошириб, ҳисобдаги фарқни оширди.

77-дақиқада Стерлингнинг ажойиб тўп оширишидан сўнг Агуэро дарвозабон билан юзма-юз чиқди, уни алдаб ўтиб, бўш қолган дарвозага тўпни йўллади.

Ҳакам томонидан қўшиб берилган дақиқаларда ўнг қанотдан жарима майдонига кириб келган Сане тўпни марказга, Ихеаначаога оширди. У эса аниқ зарба йўллаб, тўпни дарвозага киритди.

Манчестер Сити (Англия) – Боруссия (М, Германия) - 4:0
Голлар: Агуэро (9, 28 пен, 77), Ихеаначо (90+1)
Манчестер Сити – Браво, Отаменди, Коларов, Сабалета, Стоунз, Навас, Фернандиньо, Стерлинг (Сане, 79), де Брюйне, Гюндоган (Клиши, 81), Агуэро (Ихеаначо, 83).
Боруссия М – Зоммер, Эльведи, Кристенсен, Вендт, Дауд, Штробль, Крамер (Корб, 38), Джонсон, Хан (Азар, 59), Раффаэл, Штиндль (Траоре, 81).
Огоҳлантиришлар: Крамер (27), Отаменди (48).