Хабарингиз бор, яқинда “Локомотив” футбол клуби бир қатор професионал киберфутболчилар билан шартнома имзолаган эди. УФФ ва ПФЛ кўмагида PCFL (Professional Cyber Football League) лигасига тайёргарлик кўраётган “Локомотив” футбол клуби сардори, професионал киберфутболчиси Абдусапи Қаюмов ташаббуси билан 11 сентябрь куни Тошкент шахрида “Goodbye Cup – 2016” Fifa 2016 турнири ташкил қилинди.

Мусобақада 32 нафар Республикамизнинг энг кучли киберфутболчилари баҳс олиб боришди. “Локомотив” киберфутболчиларидан Ўктам Ибрагимов (LOKO_Rembo), Санжар Усмонов (LOKO_Blancos), Шерзод Миразизов (LOKO_Shurlle) ҳам ушбу мусобақада иштирок этишди.

Қизиқарли ва муросасиз кечган бахсларда финалгача етиб борган жамоамиз киберфутболчиси Шерзод Миразизов (LOKO_Shurlle) иккинчи ўринни эгаллади. Матёқубов Дилшод (Qo’qon Bankir) киберфутболчи биринчи ўринни қўлга киритган бўлса, Bunik Cartez ҳамда Upay Emilien никли киберфутболчилар мос равишда 3-4-ўринларни банд этишди.

Эслатиб ўтамиз, олдинроқ ЎФФ ва ПФЛ кўмагида "Virtual Football" компанияси PCFL (Professional Cyber Football League) лигасининг илк мавсумини ўтказиши ҳақида эълон қилган эди. Дастлаб киберфутболчилар вилоят ва шаҳар босқичларида қатнашадилар ва ундан муваффақиятли ўтган 64 киберфутболчи Республика финалида ўзаро куч синашади.
Кучли 20таликка кирган иштирокчилар Олий лигада қатнашиш имкониятига ега булса, яна 16 иштирокчи биринчи лигада бахс олиб боради.

Жамоамиз шарафини мусобақаларда Абусапи Қаюмов (LOKO_Abdusapi_legend), Ўктам Ибрагимов (LOKO_Rembo), Санжар Усмонов (LOKO_Blancos), Шерзод Миразизов (LOKO_Shurlle) ҳимоя қилишади.
Киберфутбол саралаш баҳслари FIFA 16 ўйини PS4 (Playstation 4)да ўтказилади. Олий лига бахслари эса FIFA 17 ўйини PS4 (Playstation 4)да ўтказилиши режалаштирилган .

Олий лигага ноябрь ойида старт берилади.