Бугун Ҳиндистонда 16 ёшгача бўлган ўсмирлар ўртасидаги Осиё чемпионатига старт берилди. Дастлабки турни «А» гуруҳи жамоалари бошлаб беришди.

Эрон ўсмирлари Саудия Арабистонига қарши майдонга тушди. Биринчи бўлимдан сўнг 0:2 ҳисобида ортда бораётган эронликлар иккинчи бўлимда учта гол уриб, ғалабани илиб кетишди.

Ҳиндистон ва БАА ўсмирлари ўртасидаги учрашувда мезбонлар икки марта ҳисобда олдинда боришларига қарамасдан, якунда имкониятни бой беришди.

«А» гуруҳи. 1-тур

Эрон – Саудия Арабистони - 3:2 (0:2)

Голлар: Оллоёр Сайёд (47), Муҳаммад Қодирий (69), Алиризо Асадободий (70) – Мансур Албиший, Зорий Аланазий (42)

Ҳиндистон – БАА – 2:3 (2:1)

Голлар: Санжив Сталин (11), Борис Сингх (36) - Манеа Айд (34), Мажид Рашид (53), Ахмад Фавзи (74)

Ўзбекистон ўсмирлари мусобақани 17 сентябрь куни Таиландга қарши ўйин билан бошлайди.