Охирги йилларда миллий чемпионатимиз савияси нисбатан ошди - буни очиқ тан олиш керак. Аммо битта жиҳат кўнгилни хира қилмоқда. Бу водий футболининг умумий ҳолати. Наҳотки, ҳудуднинг 4та жамоасидан лоақал бири чемпионатда тузукроқ иштирок этолмаса?
Ўзи Фарғона, Андижон ва Наманган вилоятларидаги соҳа мутасаддилари қаерга қарашяпти? Энг ачинарли томони, салбий натижалар ва ишга профессионалларча қарамаслик оқибатида водийлик мухлислар футболдан тобора узоқлашмоқдалар. Ахир «Навбаҳор» кечагина энг кўп мухлисга эгалиги билан мақтанарди, «Нефтчи» мунтазам томошабинларга тўла трибуналар остида ўйнарди, «Андижон» ишқибозларига ҳам бутун республикамизда ҳавас қилишарди.
Бугунчи? Очиғи, бу клубларнинг 2-3 минг мухлис қаршисида ўйнашаётгани ақлга сиғмайди. 10 минглаб футбол шайдолари қаерга ғойиб бўлишди? Нима, улар Бухоро ёки Навоийга кўчиб кетишдими? Мутасаддилар мураббийларни алмаштиравермасдан, аввало, шу саволлар устида бош қотиришлари керак эмасми? Дейлик, «Навбаҳор»даги охирги ўзгаришлар қандай наф берди? Жамоа Волков бошқарувида ҳам ҳозиргидай ўйнаб юраверарди-да...
Демоқчиманки, Бозоровнинг «Навбаҳор»га кўчирилишидан ҳеч қандай маъно кўрмадим. Аксинча, бу қарор биринчи лигада туппа-тузук ўйнаб турган «Норин»нинг зарарига ишлади...
Сулаймон ҲАКИМОВ
Наманган тумани.
Арбелоа «Реал»дан кетганидан сўнг Мбаппега очиқ мурожаат қилди [4360]
«Реал» вазиятдан фойдаланмоқчи [4080]
Шаҳрам Ғиёсов Жек Каттералга қарши жангдан қанча ишлаб топгани маълум бўлди [3700]
«Реал» президентилигига номзод Энрике Рикельме икки катта трансферни ваъда қилмоқда [3156]
«Барселона» ҳужум чизиғини кучайтириш учун трансферлар режасини белгилаб олди [3007]
Валерий Кечинов Криштиану Роналдуни Ўзбекистон борасида огоҳлантирди [2235]
«Барселона» делегацияси трансфер мақсадида Лондонга етиб келди [2120]
«Реал» «Манчестер Сити» юлдузига даъвогарлик қилмоқда [1848]
Колумбия терма жамоаси Жаҳон чемпионати учун якуний қайдномасини эълон қилди [1844]
