Ўзбекистон Паралимпия термаси аэропортдан байрамона безатилган даблдекерларда Тошкент бўйлаб олиб ўтилади.

Тошкентда 21 сентябрь куни тонгда Бразилиянинг Рио-де-Жанейро шаҳридан пойтахтга етиб келадиган Ўзбекистон Паралимпия термасини кутиб олишга тайёргарлик кўрмоқда (спортчилар тахминан 6:15 да етиб келади).

Спортчилар учун олимпия термасида бўлгани каби байроқлар, гуллар, XV Паралимпиада рамзлари ҳамда Ўзбекистон Миллий паралимпия ассоциацияси тимсоли билан безатилган икки қаватли автобуслар тайёр ҳолга келтирилди.

Даблдекерлар ён томонлари «Биз сиз билан фахрланамиз!» ва «Ўзбекистон — келажаги буюк давлат» шиорлари ёзилган.
Делегация пойтахт халқаро аэропортидан Бешёғоч кўчасидаги Миллий паралимпия ассоциацияси биносига қадар кузатиб борилади.