Ўзбекистон кубоги доирасидаги “Металлург” – “Бунёдкор” (0:0) учрашувидан кейинги матбуот анжуманида “қалдирғочлар” устози Сергей Лушчан иштирок этди.
- Яхши ҳимояландик ва дарвозамиз даҳлсизлигини сақлай олдик. Кубок учрашувлари иккита баҳсдан иборат. Дастлабки ўйинда 3:1 ҳисобида ютганимиз учун бугун ҳимоядан ўйнадик. Финал йўлланмаси учун "Локомотив" билан ҳисоб-китоб қилишимизга тўғри келади. Ўйлашимча, бизнинг чемпионатда ҳамма жамоа исталган рақибни ютиши мумкин. Имкониятларни элликка эллик, деб баҳолаган бўлардим. Ҳали "Локомотив" билан баҳсгача анча бор. Унгача, йигитларни жисмоний ҳолатини маромига келтириб оламиз, - дейди Сергей Лушан.
