Москванинг «Локомотив» клубида тўп сурадиган ўзбекистонлик футболчи Виталий Денисов жамоадоши Ведран Чорлука ҳамда фахрий Дмитрий Сенников билан болалар гемотология марказига ташриф буюрди.
«Локомотив» клуби матбуот хизмати бундан мақсад гемотология марказида даволанаётган болакайларга қувонч улашиш эканини таъкидлаган.
«Бу ерга ташриф буюрганимдан хурсандман. Болалар жуда фаол. Улар барча спорт тури ҳақида билишни, бу спорт турларида ўз омадини синаб кўришни истайди. Қизларнинг хоккей клюшкасида шайбага зарба бермоқчи бўлишади», — деб табассум билан ҳикоя қилди Виталий Денисов.
«Болалар спорт билан шуғулланишида уларга ҳеч нарса тўсиқ бўлмаслиги керак. Спорт ҳаётни ва яхши кайфиятни кафолатлайди. Болалар билан учрашувлар эса илиқ ҳисларга сабаб бўлади», — деб айтиб ўтди Денисов.
