«Барселона» ҳужумчиси Луис Суареснинг фикрича, жамоа «Атлетико»га қарши Испания чемпионати 5-тур учрашувида қўлидан келган ҳамма нарсани қилди. 

Эслатиб ўтамиз, ўйин 1:1 ҳисобидаги дуранг билан тугади. Суареснинг фикрича, мавсум бошида бундай дурангларга қаттиқ эътибор қаратиш ярамайди. 

«Биз ғалаба қозониш учун қўлимиздан келганини қилдик, бироқ бугун бунинг уддасидан чиқиб бўлмади», — деб ёзди Суарес Twitter’даги саҳифасида. 

«Энди ҳордиқ чиқариш керак. Олдинда бизни узоқ йўл кутиб турибди. Олға, «Барса», — деб қўшимча қилди «Барселона» ҳужумчиси.