Мадриднинг «Атлетико» клуби ярим ҳимоячиси Фернандас Габи «Реал» ва «Барселона» билан тенгма-тенг кураш олиб бориш унинг жамоаси учун осон эмаслигини айтиб ўтди. 

Габи бу ҳақда «Барселона»га қарши Испания чемпионати 5-тур учрашувидан сўнг фикр билдирди. Диего Симеоне шогирдлари мазкур ўйинда битта гол уриб, дуранг натижага эриша олди. 

«Биз бу жамоалар билан кураш олиб боряпмиз. Бу жамоалар даражасида бўлиш учун жуда ҳам кам хато қилишимиз ва барқарор бўлишимиз керак», — деди Габи. 

«Ўйинимизда барқарорлик бор, бироқ биз бу барқарорликни жамоамиз натижаларига ҳам кўчира олишимиз керак», — дея қўшимча қилди «Атлетико Мадрид» ярим ҳимоячиси.