«Ювентус» ярим ҳимоячиси Хуан Куадрадо жамоанинг «Кальяри»га қарши кечаги ўйини қайдномасига киритилмади. 

Клуб буни «шахсий сабаблар» билан боғлиқ деб айтган бўлса-да, Италиядаги манбалар воқеаларнинг бошқачароқ ривожини ҳавола қилмоқда. 

Маълум бўлишича, колумбиялик футболчи «Кальяри»га қарши ўйин асосий таркибига киритилмаслигини билганидан сўнг, ўйинолди машғулотларини ўзбошимчалик билан тарк этган. 

Кейинроқ Хуан Куадрадо кечирим сўраган, бироқ туринликлар устози Массимилиано Аллегри уни барибир ўйин қайдномасига киритмасликка қарор қилган. 

Бундан ташқари, футболчи молиявий жаримага тортилиши мумкин. Шунингдек, «Палермо»га қарши ўйинни ҳам ўтказиб юбориши эҳтимоли бор.