«Краснодар» ярим ҳимоячиси Одил Аҳмедов "Известия" нашрига берган интервьюсида Ўзбекистон терма жамоаси билан ЖЧ-2018да иштирок этиш истагида эканини билдирди.

— Ўзбекистон терма жамоаси сафида 2018 йили Россияда бўладиган жаҳон чемпионатида иштирок этиш — менинг энг катта орзум. Худо хоҳласа, ушбу саралаш босқичида муваффақиятли иштирок этамиз ва Мундиал йўлланмасини қўлга киритамиз. Назаримда, бизда яхши имконият бор. Энг аввало, барча нарса ўзимизга боғлиқ.

— Европанинг кучли чемпионатларидан бирида ўйнаш истаги борми?
— Ҳа, мен ҳамиша Европада ўйнашни орзу қилганман. Таклифлар бўлган, аммо трансфер амалга ошмай қолганди. Тақдир экан, ҳозирча Россия чемпионатида фаолият олиб боряпман.

— «Краснодар»дан ташқари Россиянинг бошқа клубларида ўйнашингиз мумкинми?
— Россиядаги фаолиятим Махачқалъанинг «Анжи» клубида бошланган. Ҳозир эса «Краснодар»да ўйнаяпман. «Буқалар» Россиядаги сўнгги клубим бўлиб қолади, деб умид қиламан. Лекин ҳаётда ҳамма нарса бўлиши мумкин.