Дортмунднинг «Боруссия» клуби ҳимоячиси Рафаэль Геррейро «Фрайбург»га қарши Бундеслига 5-тур учрашувидан сўнг ўз фикрлари билан ўртоқлашди.
Учрашув 3:1 ҳисобида «Боруссия» ғалабаси билан якунига етди, Геррейро ўйинда гол уришга муваффақ бўлди. Бунгача у «Легия» ва «Вольфсбург»га қарши ўйинларда ҳам ўз ҳисобига биттадан гол ёзиб қўйган эди.
«Яна гол урганим шунчаки ажойиб ҳолат! Аслида, гол уриш менинг асосий вазифам эмас, бироқ бунинг уддасидан чиқа олаётганимнинг ўзидан бахтиёрман», - деди ҳимоячи.
«Энг асосийси, жамоам ғалабасига ёрдам бера оляпман. Мураббий мени қўйган ҳозирги нуқтада ўзимни жуда қулай ҳис қиляпман», - дея қўшимча қилди Рафаэль Геррейро.