Бугун "Навбаҳор" жамоасини қийин учрашув кутиб турибди. Ўтган турдаги мағлубият жамоа мухлисларининг ҳафсаласини пир қилгани рост. Агарда жамоа бугун ҳам мағлуб бўлса, "Навбаҳор" жуда қийин аҳволда қолади. "Пахтакор"га қарши учрашув олдидан ҳар икки жамоа ўйинчиларидан ўйин олди фикрларини олдик.

Азим АҲМЕДОВ ("Пахтакор"): - Биласизми, бугун илк бор Наманганда "Навбаҳор"га қарши майдонга тушишим мумкин. Бир неча йил "Навбаҳор"да тўп суриб, озми-кўпми ҳурмат қозондим. Албатта, "Навбаҳор"га қарши ўйнаш мен учун бироз оғир. Лекин футболчи доим профессионал бўлиши лозим. Шунинг учун бугун жамоамиз Намангандан фақат ғалаба билан қайтишни кўзлаган. Ўйингоҳга ташриф буюрган томошабинлар бугун қизиқарли учрашув гувоҳига айланишади.