«Реал» клубининг собиқ ҳужумчиси Рауль Europa Scar Sports компаниясининг банкрот бўлгани сабабли 8 миллион евро тўлаши керак бўлади.
Гап шундаки, футболчи Europa Scar Sports фирмасида раҳбарлик қилганида, инвестиция мақсадларида мижозлардан катта миқдордаги пулларни олган ва жами 25 миллион евро тўплаган.
Бироқ кейинчалик, фирманинг ишлари орқага кетган ва Рауль уни 2014 йили тарк этиб, онасига топширган.
Шундан сўнг мижозлар Раулдан пулларини қайтариб беришни талаб қилган. Хусусан Aurantia компанияси уни судга берган. Маҳкама натижасида суд Раулдан 8 миллион евро миқдоридаги маблағни тўлаб бериш ҳақида қарор қабул қилган.
