«Челси» (3:0) клубига қарши ўйиндан сўнг ўтказилган матбуот анжуманида Арсен Венгер журналист томонидан ноқулай аҳволга солинди.
Анжуман пайтида матбуот ходимларидан бирининг телефони жиринглаб қолди. Венгер гапини тўхтатиб, унга «жавоб бераверинг, хотингиз бўлса керак» деди. Журналист эса, «йўқ, хотиним эмас экан, Жозе Моуриньо сизни сўраяпти» деб, телефонни унга узатди.
Бу вазият Венгерни бир зум саросимага солиб қўйди, аммо бир неча сония ўйланиб тургач у телефонни қўлига олди. Шундан сўнг ўтирганлар кулиб, қарсак чалиб юборишди.
