ФИФА футболдаги ирқий камситишга қарши кураш ишчи гуруҳини тарқатиб юборди, деб хабар бермоқда Associated Press.
Жума куни гуруҳ ишчилари бу ҳақда расмий равишда кўрсатма олишди.
Бу қўмита 2013 йили собиқ президент Йозеф Блаттер томонидан ташкил қилинган эди. Унга 2015 йилда ҳибсга олинган ФИФА вице-президенти Жеффри Уэбб раҳбарлик қилиб келаётганди.
Қизиғи шундаки, ўтган давр мобайнида қўмита бирорта йиғилиш ўтказмади ва ҳеч қандай расмий қарор қабул қилмади.