Ўзбекистон ўсмирлар терма жамоаси Ҳиндистонда бўлиб ўтаётган Осиё чемпионатидаги иштирокини якунлади. Футболчиларимиз чоракфиналда Ироқ ўсмирларига мағлуб бўлиб, жаҳон чемпионати йўлланмасидан қуруқ қолишди.
Ўйин биз кутгандек кечмади. Футболчиларимизнинг ҳужумдаги ўйини умуман қовушмади. Ироқ эса йирик ҳисобда ҳам ғалаба қозониши мумкин эди. Рақибнинг бир нечта зарбалари дарвоза тўсини ва устунига тегиб қайтди. Баъзи ҳолатларда дарвозабонимизнинг ажойиб ҳаракати бизни шармандали ҳисобдан қутқариб қолди. Биз бу мусобақага тайёр эмаслигимиз айнан шу ўйинда кўриниб, билиниб қолди. Жисмоний ҳолатимиз ҳам маромида эмаслиги бизга панд берди.
Ўсмирлар ўртасида Осиё чемпионати, чорак финал
ЎЗБЕКИСТОН - ИРОҚ – 0:2 (0:1)
Голлар: Довуд (7, 79)
Ўзбекистон: 21.Абдувоҳид Неъматов, 4.Ихтиёр Холдоров, 5.Муҳаммадали Намозов, 6.Мардон Абдуллаев, 7.Остон Ўрунов, 8.Ғайрат Азизхўжаев, 9.Баҳромжон Соатов, 10.Расул Йўлдошев, 11.Асадбек Собиржонов, 15.Дониёр Абдуманнопов, 17.Абубакр Мўйдинов
Захира: 1.Ҳожиакбар Жўраев, 12.Жасурбек Умрзоқов, 2.Нурсултон Қўйлибоев, 3.Шоҳзамон Хайруллаев, 14.Иброҳим Ғанихонов, 16.Хумоюн Абдусатторов, 18.Шуҳрат Неъматов, 19.Ислом Каримов, 20.Абдулҳай Исмоилов, 22.Абдуғани Камолов, 23.Бурҳон Ҳасанов
