Англия терма жамоаси бош мураббийи Сэм Эллардайс ўз келажаги ҳақида хавотир билдирди, деб хабар бермоқда The Sun. 61 ёшли мутахассисга нисбатан коррупция можароси бўйича суриштирув ишлари бошланди.
Гап шундаки, журналистлар бизнесмен қиёфасида Эллардайс билан иккита учрашув ўтказишган. Учрашув давомида 61 ёшли мутахассис ўзининг нуфузидан фойдаланиб, умумий қиймати 400 минг фунт бўлган трансферни амалга оширишга ёрдам беришга рози бўлди. Шунингдек, мутахассис ўйинчиларнинг трансфери борасида Англия футбол ассоциацияси қоидаларини қандай қилиб четлаб ўтиш мумкинлиги ҳақида сўзлаган. Тафсилотлар видеога ёзиб олинган.
Эллардайс яқин дўстлари билан бўлган суҳбатда, энди терма жамоадан бўшатилиши мумкинлиги ҳақида гапирган.
